Эрнен пиллẽкмẽш кунẽнче В.Петровǎн «Çǎлǎнǎç» хайлавẽ тǎрǎх 9-мẽш класра уçǎ урок иртрẽ. Вẽрентў мелẽсемпе усǎ курса урок çẽнẽ информаци технологийẽпе пулса пычẽ. Ачасем хайлава тẽплẽн вуласа ǎнланни, хǎйсен шухǎшẽсене калама пẽлни, тẽп сǎнарǎн япǎх тата ырǎ  енẽсене тупни, çав вǎхǎтрах урока пẽтẽмлетсе хǎй тẽллẽн çыпçǎнакан тẽрлẽ тẽслẽ  хутсемпе «Эпẽ мẽн шухǎшлатǎп» ятлǎ пẽчẽк хаçат кǎларчẽç.

   Юлашки кунẽнче чǎваш тумẽсемлẽ хẽрачасемпе арçын ачасем, 5-мẽш класра вẽренекенсем, уява малалла тǎсрẽç, ертсе пычẽç. Ачасем  юлташẽ патне хǎнана кайсан «Çẽр памалла»  вǎйǎ вылянине кǎтартрẽç, юрларẽç, ташларẽç, сǎвǎ-халап каларẽç. Унтан «Эп–чǎваш ачи» ятлǎ  илемлẽ сǎвǎ вулакансен  конкурсẽ пулчẽ. Пурẽ 11 вẽренекен хутшǎнчẽ. Вẽсенчен чи тикẽс те яка вулакнсем – Казакова Д.(2кл.), Александрова К.( 2 кл.), Антонова А.( 5 кл.), Кириллов Д.(6 кл.), Петрова К.( 7 кл.), Владимирова Н.( 9 кл.), Николавева Л.(10 кл.). Степанов К.( 8 кл.) – иккẽмẽш, Владимирова Н.( 3 кл.), Орешников В.(4 кл.) виççẽмẽш вырǎн йышǎнчẽç. Ертўçẽсем уява Раиса Сарпи çырнǎ сǎвǎ çаврǎмẽсемпе вẽçлерẽç:

                                                 Чǎвашсемẽр! Сире телей сунатǎп,

                                                  Ан сивнẽр тǎван чẽлхемẽртен.

                                                  Мансан –чẽлхесẽр янавар

                                              пулатǎр,

                                                   Чẽлхе пулсан – пẽтместпẽр ẽмẽрте!..