Суперученăйсем

Вăйă конкурс

ачасен тавракурăмне пуянлатасси

 тавçăрулăха ÿстересси

ăнкарăвне,шухăшлав хăвăртлăхне аталантарасси

1.    «Сăмах лаççи» вăйă .  Чи нумай тупакан  ушкăн çĕнтерет

Доска çинче   Ч, Р, Ă, Т, У, А, К сас паллисенчен тăракан сăмахсем кам нумайрах тупать?

2. «Кутăнла вуласан та – сăмах». Ачасен кутăнла  вулакан сăмахсем тупса çырмалла. Чи нумай тупакан ушкăн  çĕнтерет.

(  Калав –валак, ан – на, ăвăс-сăвă, ăру-урă, ват-тав, каç-çак, кăвас-савăк, кĕт-тĕк, çу-уç т.ыт.те)

3. «Пайăр ятсем». Уйăрнă вăхăтра ачасен пайăр ят пур произведени ячĕсене тата вĕсен авторсене кăтартмалла.

«Таня» ( П.Хусанкай),…

4. «Пурте пĕр сас паллинчен». Т сас паллинчен пуçланакан сăмахсемпе усă курса ачасен предложени йĕркелемелле.  Чи вăрăм предложени тăвакан ушкăн çĕнтерет.

Тольăн тутлă тĕлĕксем тăсăлнăçемĕн тăсăлчĕç.

Тимук тете ташă ташласа тăванĕсене тĕлĕнтерчĕ.

Тăватă така тăкăрлăкпа тăпăртатса тăвалла талпăнчĕç.

Такмакçă такмакласах такама та ташă ташлатьтарса тĕлĕнтерет.

5.  «Мĕнле нота?»

1)  Сÿ çумне мĕнле нота хушсан ĕç хатĕрĕн ячĕ пулать?

2) Мĕнле нота çумне  р сас палли хушса вуласан килĕшÿ пулать?

3) Мĕнле сас палли çумне  -ля нота хушса вуласан хĕр ача ячĕ пулать?

4) Мĕнле нота çумне  рун хушса вуласан ар çын ячĕ пулать. 

5) Вит  çумне мĕнле нота хушса вуласан халăх  пурăнакан вырăн пулать? 

6) Мĕнле икĕ нотăран пахча çимĕçĕн ячĕ пулать?

6.  «Пĕлтерĕшне ăнлантар». Фразеологизмсен пĕлтерĕшне ăнлантарăр.

Шăммипе тирĕ –

Алли ури çĕре лекмест –

Вырăнпа вырт –

Йĕплĕ сăмах хыптар –

Шыври пулă пек –

Кăмăла йывăра ил -  

Пасар ту –

Пăшăл пăтти пĕçер –

Пуç тай –